Samband bræðranna í molum
Setja bókamerki
Tengdar fréttir
Kóngafólk í fjölmiðlum
Í dag mun Harry Bretaprins hitta ömmu sína, föður sinn og bróður sinn á fjölskyldufundi. Markmið fundarins er að finna lausn á því hvernig Harry og Meghan geti stigið til hliðar. Samband bræðranna Harry og Vilhjálms hefur verið betra og keppast erlendir miðlar við að segja frá sambandi þeirra. Eru þeir báðir sagðir sárir yfir því hvernig málin hafa þróast.
Heimildarmaður Us Magazine segir að Vilhjálmur hafi gert allt sem í hans valdi stóð til þess að hjálpa bróður sínum. Frá hans bæjardyrum séð hefur Harry hins vegar ekki tekið ráðum hans. Er Katrín hertogaynja einnig sögð sár. Líður henni illa yfir líðan eiginmanns síns. Katrín og Vilhjálmur eru bæði sögð hafa verið til staðar þegar Harry leið ekki vel áður en hann hitti Meghan.
„Ég hef haldið utan um bróður minn allt mitt líf og nú get ég það ekki lengur. Við stöndum ekki lengur saman,“ sagði ónefndur vinur Vilhálms að Vilhjálmur hefði sagt um málið að því er fram kemur í The Sunday Times um helgina.
Harry er einnig sagður í fórnarlambshlutverki að því er fram kemur á vef Daily Mail. Þar er því slegið fram að Vilhjálmur hafi verið með kúgandi framkomu. Þau Harry og Meghan hafi því hálfpartinn neyðst til að draga sig í hlé.
Þessar fréttir staðfesta enn fremur þann orðróm að samband bræðranna hafi verið í ólagi síðan Harry og Meghan byrjuðu að draga sig saman.
Tengdar fréttir
Kóngafólk í fjölmiðlum
Kaupfélag Skagfirðinga kaupir Kjarnafæði Norðlenska hf.
Glöð að Assange sé frjáls þrátt fyrir ásökunina
Göngumaðurinn fannst fyrir botni Birnudals
Leitar til Tyrklands eftir 8 ára baráttu
Segir að engum skotum hafi verið hleypt af
Búið að losa skútuna
Skúta strand innarlega í Eyjafirði