Derek Fowlds látinn

Breski leikarinn Derek Fowlds lést í dag 82 ára að aldri en hann er einna þekktastur fyrir að leika embættismanninn Bernard Woolley í sjónvarpsþáttunum „Yes Minister“ og „Yes Prime Minister“ sem sýndir voru á níunda áratug síðustu aldar.

Fowlds, sem var fæddur í London árið 1937, lék síðar varðstjórann Oscar Blaketon í sjónvarpsþáttunum „Heartbeat“.

Fowlds var tvíkvæntur og var síðan í sambúð með Jo Lyndsey en hún lést árið 2012. Hann lætur eftir sig tvö uppkomin börn.

Breska dagblaðið Daily Telegraph greinir frá þessu.

• Blogga um frétt