Tónskáldið Hildur Guðnadóttir, sem vann fyrst Íslendinga Óskarsverðlaunin í nótt, segist ekki ætla að flytja til Los Angeles í Bandaríkjunum. 

Í viðtali við fjölmiðla baksviðs á Óskarnum var Hildur spurð hvort hún ætlaði að flytjast frá Berlín í Þýskalandi til Los Angeles til að einbeita sér meira að kvikmyndaiðnaðinum. Hildur svaraði því neitandi og sagði vera of sólríkt í Los Angeles fyrir sinn smekk, auk þess sem það myndi ekki henta tónlistarstíl sínum að búa í borginni. 

Hildur ræddi einnig um konur í tónlist en hún er sú fyrsta í 20 ár til að vinna þessi verðlaun ein. Hún segir það magnaða tilfinningu að vera fyrsta konan í fjölmörg ár til að vinna mörg þessara verðlauna. Það sé heiður fyrir sig að sigurför sín hafi komið af stað umræðunni um hversu fáar konur vinna til verðlauna í kvikmyndaiðnaðinum.

Tengdar fréttir

Hildur Guðnadóttir

Hildur og Lady Gaga sögulegir sigurvegarar

• Hildur í einstakri dragt á meðal stórstjarna
• Hildur ekki tilnefnd
• Hildi spáð tilnefningu
• Hildur vann

» Fleiri tengdar fréttir

Óskarsverðlaunin 2020

Trump hneykslaður á valinu

• Bong Joon-ho fékk hlýjar móttökur í heimalandinu
• Agnarsmár pizzastaður nýtur góðs af Parasite
• „Ég hef reynt og ég held áfram að reyna“
• Auglýsingin sem þótti „of myndræn“ fyrir Óskarinn

» Fleiri tengdar fréttir

• Blogga um frétt