Áhorf á Óskarinn aldrei minna vestanhafs
Bong Joon-ho leikstjóri Parasite var sigurvegari gærkvöldsins að öðrum ólöstuðum. Aldrei hafa færri horft á hátíðina í sjónvarpi í Bandaríkjunum.
AFP
Setja bókamerki
Um það bil 23,6 milljónir Bandaríkjamanna horfðu á Óskarsverðlaunahátíðina í gærkvöldi og hafa sjónvarpsáhorfendur aldrei verið færri, samkvæmt frétt ABC, sem sýnir Óskarinn í beinni. Um sex milljónum fleiri horfðu á Óskarinn í fyrra.
Áhorfendatölurnar hafa nú náð nýjum lægðum, en áður höfðu fæstir horft á Óskarinn árið 2018, þegar 26,5 milljónir manna sátu við skjáinn á sunnudagskvöldi einu í febrúar.
Tölurnar sem ABC hefur koma frá fyrirtækinu Nielsen, sem vaktar sjónvarpsáhorf vestra. Í frétt þeirra kemur fram að þar til fyrir fáeinum árum hafi áhorf á Óskarinn verið töluvert meira og alla jafna hafi á bilinu 35-45 milljónir Bandaríkjamanna horft á hátíðina í sjónvarpi.
Brad Pitt á hátíðinni í gærkvöldi. Hann hlaut sinn fyrsta Óskar, fyrir leik í aukahlutverki í kvikmyndinni Once upon a time in Hollywood.
AFP
Hraunið náð Njarðvíkuræð: Fylgjast með raflínu
Hraun fór yfir Grindavíkurveg
Virknin dregist saman um 600 metra
Sáu eldgosið brjótast út frá Snæfellsnesi
„Má segja að þetta gos hafi þjófstartað“
Mjög alvarlegt ef Njarðvíkuræð gefur sig
„Erum í miðri hrinu“: Styttist í Eldvörp