„Ég held að þetta hljóti að hafa áhrif til góðs og setja fókus á íslenska menningu. Það er enn og aftur tónlist sem ber flaggið fyrir okkur,“ segir Bragi Valdimar Skúlason, formaður Félags tónskálda og textahöfunda, um Óskarsverðlaunin sem Hildur Guðnadóttir tónskáld hreppti í nótt. 

„Þetta er náttúrulega ótrúleg sigurganga. Hún er bara að uppskera eins og hún sáði fyrir tvö ólík verkefni í raun og veru svo þetta er alveg algjörlega magnað,“ segir Bragi. 

Hildur vann Óskarinn fyrir tónlist sína í Jókernum en áður hafði hún hlotið Golden Globe-verðlaunin, Bafta-verðlaunin og fleiri verðlaun vegna tónlistarinnar í Jókernum. Í fyrra hlaut hún svo fjölda verðlauna fyrir tónlist sína í þáttaröðinni Chernobyl. Þótt tónlist Hildar í Chernobyl hafi verið ólík tónlist hennar í Jókernum segir Bragi að í báðum tilfellum hafi höfundareinkenni Hildar heyrst vel. 

Frétt af mbl.is

Alltaf með skýra sýn

Sálin í tónlist Hildar sérstök

Spurður hvað sé svo sérstakt við tónsmíðar Hildar segir Bragi: „Það er sálin í þessu. Hún er að nota dórofón og alls konar tilraunakennt sem hún nær einhvern veginn að beisla inn í kvikmyndatónlistina. Ég held að aðferðafræði og frumleg nálgun á tónlistina sé líka stórt stef hjá henni. Hún nær einhvern veginn að beisla sköpunarkraftinn inn í þessi verkefni.

Bragi segir að tónlist Hildar nái til fólks á sérstakan hátt. 

„Það er eitthvað virkilega ferskt við þetta sem nær að hitta fólk alveg í hjartastað. Nálgunin fer einhvern veginn algjörlega inn í verkið og hún gefur sig alla í þau. Það er greinilega að skila sér því nú er hún orðin heimsmeistari.“

Frétt af mbl.is

Fyrsta konan síðan á síðustu öld

„Rosalegur innblástur fyrir yngri kynslóðir“

Spurður hvort sigurganga Hildar muni hafa áhrif á áhuga Íslendinga á tónsmíðum segir Bragi:

„Áhugi á tónlist kviknar þarna og sumir velta því fyrir sér hver þetta sé og hvað hún sé að gera og fara að leggja sig fram við að hlusta á tónlistina hennar. Allt svona hefur áhrif á yngri kynslóðir, ég tala ekki um áhrif á stelpur. Ef maður skoðar tölurnar yfir sigra kvenfólks á þessum blessuðu hátíðum þá eru þeir ekkert sérstaklega margir svo þetta er náttúrulega rosalegur innblástur fyrir yngri kynslóðir að þetta sé hægt.“

Tengdar fréttir

Hildur Guðnadóttir

Hildur og Lady Gaga sögulegir sigurvegarar

• Hildur í einstakri dragt á meðal stórstjarna
• Hildur ekki tilnefnd
• Hildi spáð tilnefningu
• Hildur vann

» Fleiri tengdar fréttir

Óskarsverðlaunin 2020

Trump hneykslaður á valinu

• Bong Joon-ho fékk hlýjar móttökur í heimalandinu
• Agnarsmár pizzastaður nýtur góðs af Parasite
• „Ég hef reynt og ég held áfram að reyna“
• Auglýsingin sem þótti „of myndræn“ fyrir Óskarinn

» Fleiri tengdar fréttir

• Blogga um frétt