Dóri DNA óþekkjanlegur í nýrri auglýsingu KFC

Rithöfundurinn Halldór Laxnes Halldórsson eða Dóri DNA er óþekkjanlegur í gervi KFC ofurstans. Auglýsingin var gerð í tilefni af 40 ára afmælis KFC á Íslandi. 

Fyrsta auglýsingin í herferðinni verður frumsýnd í sjónvarpi nú um helgina en fyrir forvitna þá er hægt að skoða auglýsinguna hér fyrir neðan.

„Þetta er hlutverk sem mig hefur alltaf langað að leika. Svo ég stökk á það. Ekki skemmdi fyrir að einn af mínum nánari vinum síðan í Menntaskóla var að leikstýra, Magnús Leifsson. Þetta var bara hrikalega skemmtilegt verkefni frá A-Ö. Fara í sérsaumuð jakkaföt, gervi frá Rögnu Fossberg, grínast með skemmtilegu fólki á tökustað. Gervið var svo gott að á stundum rákumst við á fólk sem ég þekkti, og það kannaðist ekki við mig. Heiður að gera þetta, þar sem KFC í Ameríku leitar alltaf til frægra grínista í þetta hlutverk. Takk fyrir mig,“ sagði Halldór Laxnes Halldórsson eða Dóri DNA um hlutverkið.

Auglýsingastofan Pipar\TBWA sem framleiðir herferðina samvinnu við Republic, Svenna Spaight og Dóra DNA. Leikstjóri er Magnús Leifsson, en hugmynda og útlitsvinna var í höndum Öggu Jónsdóttur og Snæbjörns Ragnarssonar hjá Pipar\TBWA. Magga Einars sá um búninga og Ragna Fossberg um gervið.

• Blogga um frétt