Líf bresku prinsessunnar Beatrice er ekki dans á rósum. Beatrice á að giftast hinum ítalskættaða Edoardo Mapelli Mozzi í lok maí en undirbúningurinn hefur ekki verið auðveldur. Fyrst var það faðir prinsessunnar, Andrés prins, sem olli vandræðum en nú er það kórónuveiran. 

Að því er fram kemur í frétt Telegraph hafa vaknað spurningar um hverjir geti mætt í brúðkaupið af þeim gestum sem koma frá öðrum löndum. Mozzi er fæddur og uppalinn á Englandi en er bæði með breskan og ítalskan ríkisborgararétt. Hann er af ítölskum aðalsættum og á ættir að rekja til Langbarðalands á Ítalíu.

Héraðið Langbarðaland fór sérstaklega illa út úr kórónuveirunni en nú nær ferða- og samkomubann yfir alla Ítalíu. Ólíklegt er að ástandið ríki enn hinn 29. maí þegar Beatrice prinsessa og Edoardo Mapelli Mozzi ganga í það heilaga í konunglegu kapellunni í höll heilags James í Lundúnum en þrátt fyrir það varpar kórónuveiran skugga á brúðkaupsundirbúninginn rétt eins og hneykslismál Andrésar föður hennar gerði fyrir áramót. 

Frétt af mbl.is

Drottningin og Karl ákváðu að Andrés yrði að víkja

Frétt af mbl.is

Brúðkaupsundirbúningur í uppnámi vegna Andrésar

Tengdar fréttir

Kóngafólk

Lítil spenna fyrir nýjustu þáttum Harry og Meghan

• Katrín prinsessa laumaðist á fund í Windsor-kastala
• Sonur Mette-Marit grunaður um nauðgun
• Bresku konungshjónin syrgja góðan vin
• Brutust inn í bóndabæ á landareign bresku konungsfjölskyldunnar

» Fleiri tengdar fréttir

• Blogga um frétt