Kántrístjarna lést af völdum kórónuveirunnar
Setja bókamerki
Grammy-verðlaunahafinn Joe Diffie er látinn af völdum öndunarfærasjúkdómsins COVID-19, 61 árs að aldri. Diffie var vinsæll tónlistarmaður í Bandaríkjunum á 10. áratug síðustu aldar.
Tilkynnt var um andlát Diffies á facebooksíðu hans, en hann lést fyrr í dag. Aðeins eru tveir dagar síðan Diffie tilkynnti að hann hefði sýkst af kórónuveirunni og að hann væri undir læknishöndum.
„Ég og fjölskylda mín biðjum um næði á þessum erfiðu tímum. Við viljum minna almenning og aðdáendur mína á að sýna baráttuhug og varkárni á tímum þessa heimsfaraldurs,“ sagði Diffie í tilkynningu sinni á föstudaginn.
Diffie var fæddur og uppalinn í Oklahoma og gaf út fjölmörg lög sem náðu miklum vinsældum á tíunda áratugnum, meðal annars Pickup Man, Prop Me Up Beside the Jukebox og John Deere Green.
Hann gaf út sína fyrstu hljómplötu, A Thousand Winding Roads, árið 1990 en á þeirri plötu mátti meðal annars finna smellinn Home.
„Einhverjir töfrar sem gerast“
Glíma enn við eftirköst E.coli-smits í Efstadal
Tré brotnuðu og umferðarskilti lagðist á hliðina
Komið „meira púður“ í viðræðurnar
Skoða hvort Hvalur 8 og 9 geti hitað upp Suðurnes
Önnur aurskriða við Eyrarhlíð
„Allt í rusli“ við brúargerð á Vestfjörðum
