Ellis Marsalis látinn úr kórónuveirunni
Setja bókamerki
/frimg/1/35/4/1350480.jpg)
Bandaríski jassleikarinn Ellis Marsalis lést í gær eftir að hafa veikst af kórónuveirunni að sögn sonar hans, Branford. Marsalis var 85 ára að aldri.
Ellis Marsalis er heimsþekktur píanóleikari og kennari og hefur leikið inn á tugi hljómplatna undanfarna sjö áratugi. Hann er faðir tveggja heimsþekktra hljóðfæraleikara, Wynton sem spilar á trompet og Branford sem spilar á saxófón.
Branford segir að faðir hans hafi verið lagður inn á sjúkrahús á sunnudag veikur af kórónuveirunni en hann lést í gær.
Ellis Marsalis fæddist í New Orleans árið 1934 og hófst jazzferill hans árið 1949. Lék hann meðal annars með Cannonball og Nat Adderley, Marcus Roberts og Courtney Pine.
Marsalis starfaði einnig við kennslu. Meðal annars hjá New Orleans Center for Creative Arts, University of New Orlean og Xavier University of Louisiana.
Banaslys á Breiðamerkurjökli: Leit frestað
Tveir kvikustrókar stærstir
Myndskeið sýnir innan úr Breiðamerkurjökli
„Þetta má ekki gerast“
Hundrað manns í leitinni: „Þetta er erfiðisvinna“
Þorvaldur: Óvenjulegt gos að ýmsu leyti
/frimg/1/51/15/1511561.jpg)
Ofbauð krafan um að fara með fólk í „tvísýnu“