Stjörnurnar Cara Delevingne og Ashley Benson eru hættar saman. Fyrirsætan og Pretty Little Liars-leikkonan hættu saman í byrjun apríl að því fram kemur á vef People og lifði samband þeirra því ekki kórónuveirufaraldurinn af.
Einn heimildarmaður segir að þær Delevingne og Benson hafi átt sína góðu og slæmu stundir áður en segir sambandið endanlega búið núna. Konurnar virðast hafa fjarlægt myndir af hvor annarri á samfélagsmiðlum sínum.
Konurnar sáust fyrst saman þegar þær voru myndaðar kyssa hvor aðra á flugvelli í London í ágúst 2018. Eftir það hafa þær oft verið myndaðar saman. Áður en að fréttir af sambandsslitunum birtust höfðu þær talað vel um hvor aðra í fjölmiðlum auk þess að fólk sem þekkti til sagði þær hamingjusamar saman.