Glee-stjarna rekin

Samningi Glee stjörnunnar Leu Michele við matarfyrirtækið Hello Fresh hefur verið rift eftir ásakanir um einelti. 

Samantha Ware sem lék með Michele í þáttunum Glee segir hana hafa lagt sig í einelti á tökustað og gert líf sitt að „lifandi helvíti“. Í ljósi þessara ásakana ákvað fyrirtækið að rifta öllum tengslum við stjörnuna. Í yfirlýsingu frá Hello Fresh segir að þau taki þessu mjög alvarlega og styði hvorki kynþáttahatur né mismunun á nokkurn hátt. 

Ware sakar Michele meðal annars um að hafa hótað á tökustað að hún muni létta á sér í hárkollu hennar. Fleiri aukaleikarar í þáttunum hafa í kjölfarið komið fram með svipaða reynslu og Ware. 

• Blogga um frétt