Sophie greifynja af Wessex, opnaði sig meðal annars um fráhvarf Harry og Meghan úr bresku konungsfjölskyldunni í viðtali við The Sunday Times um helgina að því fram kemur á vef Hello.  Hin 55 ára gamla Sophie er sérstaklega vinnusöm en hún gekk í hjónaband með Játvarði, yngsta syni Elísabetar Bretadrottningar, árið 1999. 

„Ég bara vona að þau verði hamingjusöm,“ sagði greifynjan Sophie um þau Harry og Meghan. Sophie sagði jafnframt að allir í konungsfjölskyldunni gerðu sitt til þess að bjóða nýtt fólk velkomið í fjölskylduna. 

Hún talaði einnig óbeint um hversu stuttan tíma Meghan fékk til þess að aðlagast konungsfjölskyldunni. Harry og Meghan kynntust árið 2016 og innan við tveimur árum seinna voru þau gift. 

„Mundu, ég fékk fimm ár til þess að aðlagast,“ sagði Sophie sem benti einnig á að hún hefði búið í Buckingham-höll í sex mánuði á meðan trúlofun hennar og Játvarðs stóð. 

Sophie er sögð eiga sérstaklega gott samband við drottninguna og sem og Katrínu hertogaynju, eiginkonu Vilhjálms Bretaprins. 

Sophie greifynja í brúðkaupi Harry og Meghan árið 2018. AFP

Tengdar fréttir

Kóngafólk

Fer fögrum orðum um eiginkonuna

• Setti kærustu eiginmannsins skýr mörk
• Nýjasta útspil Meghan vekur athygli
• Jólakort Katrínar og Vilhjálms
• Andrés prins fjarri góðu jólagamni

» Fleiri tengdar fréttir

Megxit

Hvað er í vændum fyrir barn Harrys og Meghan?

• Myndatakan sögð „alger martröð“
• Meghan leit á Karl sem sinn annan föður
• Töluðu um að hætta fyrir brúðkaup
• Harry og Meghan kveðja í dag

» Fleiri tengdar fréttir

• Blogga um frétt