Bollywood-leikarinn Sushant Singh Rajput fannst látinn á heimili sínu í morgun, 34 ára gamall.
Hann var ein þekktasta Bollywood-sjarna Indlands og hlaut mikið lof fyrir túlkun sína á krikketstjörnunni M.S. Dhoni á hvíta tjaldinu.
Talsmaður lögreglunnar í borginni Mumbai segir að Rajput hafi framið sjálfsvíg en hann er sagður hafa glímt við þunglyndi.
Hann lést aðeins nokkrum dögum eftir að fyrrverandi umboðsmaður hans, Disha Salian, lést.
„Með sorg í hjarta greinum við frá því að Sushant Singh Rajput er ekki lengur á meðal vor,“ sögðu aðstoðarmenn hans.
„Við biðjum aðdáendur hans um að hugsa til hans og fagna lífi hans og starfi eins og þeir hafa gert hingað til.“
Forsætisráðherra Indlands, Narendra Modi, minntist Rajput á Twitter og sagði hann „ungan leikara sem kvaddi allt of snemma“.
Sushant Singh Rajput...a bright young actor gone too soon. He excelled on TV and in films. His rise in the world of entertainment inspired many and he leaves behind several memorable performances. Shocked by his passing away. My thoughts are with his family and fans. Om Shanti.
— Narendra Modi (@narendramodi) June 14, 2020