Eru líka í sambandi í raunveruleikanum

Leikaraparið Chase Stokes og Madelyn Cline fara með hlutverk parsins John B og Sarah Cameron í Netflix-þáttunum Outer Banks. Um helgina staðfesti Stokes að þau væru einnig í sambandi í raunveruleikanum. 

Stokes birti myndir af stefnumóti þeirra Cline á ströndinni við mikil fagnaðarlæti aðdáenda þeirra en mótleikari þeirra Jonathan Daviss skrifaði í athugasemd að loksins væru þau búin að opinbera sambandið. 

Outer Banks eru unglingaþættir sem hafa heillað hugi og hjörtu á Netflix. Leikarahópurinn virðist vera mjög náinn en þau hafa dvalið síðustu vikur og mánuði saman á meðan kórónuveiruheimsfaraldurinn geisar. 

• Blogga um frétt