Hljómsveitin Kiriyama family sendi frá sér nýtt lag á dögunum. Lagið ber nafnið Every time you go og er fyrsta lagið sem hljómsveitin sendir frá sér í nokkurn tíma.
Auk lagsins gaf hljómsveitin út tónlistarmyndband við lagið og þykir það heldur óhefðbundið þar sem allt myndbandið er tekið í einni töku.
Lítið hefur farið fyrir hljómsveitinni síðustu misseri en hún hefur þó ekki setið auðum höndum. Liðsmenn hennar hafa verið að vinna hörðum höndum að nýju efni og munu fleiri lög fylgja í kjölfarið á næstu mánuðum.
Myndbandið er tekið upp í félagsheimilinu Þingborg og var því leikstýrt af Brúsa Ólafssyni en Magga Vala tók myndbandið upp. Hér fyrir neðan má sjá það og hlusta á lagið.