Fékk munnmakakennslu frá eiginkonu Lowe
Setja bókamerki
Leikkonan Gwyneth Paltrow greindi frá því í hlaðvarpsþætti leikarans Lowe að eiginkona hans, Sheryl Berkoff, hefði frætt hana um hvernig ætti að stunda munnmök. Þegar fræðslan átti sér stað var Paltrow bara 15 eða 16 ára og Lowe ekki búinn að kynnast núverandi eiginkonu sinni.
Förðunarfræðingurinn Berkoff var að vinna við að farða móður Paltrow, leikkonuna Blythe Danner, fyrir sjónvarpsmynd og Paltrow kom á tökustað í heimsókn. „Þetta var í Flórída. Ég hitti Sheryl og varð strax heltekin af henni.“
„Í fyrsta lagi var hún að hitta Keanu Reeves, sem var stjörnuskotið mitt, og hún var svo flott,“ sagði Paltrow um Berkoff. „Og hún vissi að ég væri að sníkja sígarettur og hún kom og reykti með mér bak við hjólhýsið og kenndi mér hvernig ætti að veita munnmök.“
Paltrow segist hafa dáð Berkoff og þessum tíma fannst hún Berkoff vera flottasta pía allra tíma. Hún kunni að meta að Berkoff kom fram við hana eins og hún væri fullorðin þrátt fyrir að hún var bara menntaskólakrakki sem var ekki orðin fræg leikkona.
Paltrow deildi ekki nákvæmum smáatriðum úr kennslu Berkoff og sagði þetta í dag ekki snúast um nákvæm tæknileg atriði. „Ég er þó viss um að ég fór eftir því um leið og ég fékk tækifæri til.“
Landris nálgast nú einn metra
Ráðherra þarf að taka af skarið
Illviðri spáð á morgun
Guðlaugur býður sig ekki fram til formanns
Gætu fallið frá því að leggja á komugjöld
Leggja til mikla hækkun gatnagerðargjalda
„Skammast mín alveg verulega“