Söngkona Primal Scream látin

Söngkonan Denise Johnson sem þekktust er fyrir að hafa sungið með hljómsveitinni Primal Scream á plötu þeirra Screamadelica er látin 56 ára að aldri. Dánarorsök hefur ekki verið staðfest en fjölskylda hennar segir að hún hafi látist skyndilega eftir veikindi. 

Margir úr tónlistarheiminum hafa heiðrað minningu hennar á samfélagsmiðlum, meðal annars hljómsveitarmeðlimir Primal Scream og Joy Division.

Stutt er síðan Johnson tilkynnti um nýja plötu sem til stæði að gefa út í september. Johnson átti að baki farsælan feril í tónlistarheiminum og hafði starfað með þekktum hljómsveitum á borð við Primal Scream, The Pet Shop Boys og New Order.

• Blogga um frétt