Myndatakan sögð „alger martröð“
Setja bókamerki
Ljósmyndin sem tekin var í tilefni af sjötíu ára afmæli Karls Bretaprins árið 2018 sýndi hamingjusamari konungsfjölskyldu en tilefni gaf til.
Myndin sýnir nánustu fjölskyldu Karls Bretaprins samankomna. Karl Bretaprins hossar barnabarni sínu á hné sér og bræðurnir Vilhjálmur og Harry brosa sínu blíðasta. Í nýútkominni bók Finding Freedom kemur hins vegar fram að það hafi reynst þrautin þyngri að koma öllum saman til þess að taka myndina. Hvorki Vilhjálmur né Harry hafi sýnt nokkurn áhuga á myndatökunni og ekki lagt sig fram til þess að finna tíma fyrir hana. Þá segja höfundar bókarinnar samband Harry prins við Karl föður sinn hafa verið mjög flókið og stormasamt sem hjálpaði heldur ekki til.
Finding Freedom hefur vakið mikla athygli undanfarið. Svo virðist sem höfundar bókarinnar hafi haft greiðan aðgang að upplýsingum úr innsta hring konungsfjölskyldunnar og margir hafa sett spurningarmerki við það lof sem virðist vera ausið yfir Harry og Meghan í bókinni. Talsmenn Harry og Meghan hafa sagst hvorki hafa veitt höfundunum viðtöl né aðstoðað með neinum öðrum hætti við gerð bókarinnar. Konunglegir sérfræðingar draga það í efa en segja að ekki sé um annað að ræða en að taka þau á orðinu. Það sé hins vegar ljóst að þau séu ekki á móti bókinni því þá hefðu þau brugðist harðar við útgáfu hennar. Líklega eru þau fegin að sjónarmið þeirra fái að heyrast.
/frimg/1/9/62/1096277.jpg)
Kaupfélag Skagfirðinga kaupir Kjarnafæði Norðlenska hf.
Segir að engum skotum hafi verið hleypt af
Búið að losa skútuna
Sérsveitin kölluð til aðstoðar á Suðurlandi
Leitar til Tyrklands eftir 8 ára baráttu
Glöð að Assange sé frjáls þrátt fyrir ásökunina
Landris enn stöðugt – Nýtt hættumat á morgun