Harry Bretaprins og Meghan hertogaynja af Sussex hafa svo sannarlega staðið við orð sín um að ætla að verða fjárhagslega sjálfstæð. Nýlega festu þau kaup á húsi í Montecito-hverfi í Los Angeles í Bandaríkjunum og það sem meira er, þau keyptu það með sínum eigin peningum.

„Harry hefði getað beðið föður sinn, Karl Bretaprins, um að koma að fasteignakaupunum, en hann valdi að gera það ekki,“ sagði heimildarmaður Us Weekly um kaupin. 

Frétt af mbl.is

Harry og Meghan flutt á nýjan stað

„Að blanda pabba sínum inn í kaupin hefði valdið því að hann hefði stjórn yfir þeim. Fyrir Meghan og Harry myndi það þýða skref aftur á bak,“ sagði heimildarmaðurinn. 

Prinsinn og Meghan tilkynntu í byrjun árs að þau ætluðu sér að draga sig í hlé frá bresku konungsfjölskyldunni og ætluðu sér að verða fjárhagslega sjálfstæð. Og það hafa þau nú gert.

Húsið kostaði litlar 14,65 milljónir bandaríkjadala og tóku þau húsnæðislán upp á 9,5 milljónir fyrir húsið. 

„Harry og Meghan líta á þetta sem mjög góð kaup, þetta var tækifæri sem þau vildu ekki missa af. Þetta er fjárfesting, ólíkt því að kaupa bíl. Meghan hefur mikla trú á að þau geti hagnast vel kjósi þau að selja húsið eftir einhver ár,“ sagði heimildarmaðurinn. 

„Þetta var stór skref fyrir þau, sérstaklega þar sem þetta er fyrsta fasteignin sem þau kaupa sér,“ sagði heimildarmaðurinn. 

Tengdar fréttir

Kóngafólk

Lítil spenna fyrir nýjustu þáttum Harry og Meghan

• Katrín prinsessa laumaðist á fund í Windsor-kastala
• Sonur Mette-Marit grunaður um nauðgun
• Bresku konungshjónin syrgja góðan vin
• Brutust inn í bóndabæ á landareign bresku konungsfjölskyldunnar

» Fleiri tengdar fréttir

• Blogga um frétt