Harry Bretaprins og Meghan hertogaynja af Sussex hafa gert samning við streymisveituna Netflix um að gera fjölda mismunandi þátta fyrir streymisveituna. Möguleiki er á að hjónin muni koma fram í einhverjum þeirra. 

„Okkar markmið verður að skapa fræðandi efni sem veitir fólki líka von,“ sögðu hjónin í tilkynningu. „Sem foreldrar þykir okkur mikilvægt að gera efni fyrir alla fjölskylduna.“

Ted Sarandos, framkvæmdarstjóri Netflix, sagðist vera einstaklega stoltur af því að hjónin hefðu ákveðið að gera Netflix að sínu „skapandi heimili“.

Samningurinn var gerður til nokkurra ára og nær til heimildarmynda, heimildarþátta, kvikmynda, þátta og barnaefnis.

BBC

Tengdar fréttir

Kóngafólk

Forréttindi að þurfa ekki að kveðja móður sína

• Katrín prinsessa á batavegi
• Katrín sýndi þakklæti í verki
• Hjónin bæði með gangráð fyrir helgi
• Fer fögrum orðum um eiginkonuna

» Fleiri tengdar fréttir

• Blogga um frétt