Huldumaður Holmes var trúlofaður

Leik­kon­an Katie Hol­mes sást á stefnu­móti með huldu­manni í síðustu viku. Í ljós kom að nýi kærast­inn heit­ir Em­ilio Vitolo og er kokk­ur. Vitolo þessi á að hafa verið trú­lofaður þegar fyrstu mynd­irn­ar af þeim Hol­mes birt­ust. 

Vitolo sem er 33 ára er sagður hafa verið trú­lofaður hinni 24 ára gömlu Rachel Emmons. Parið á að hafa búið sam­an auk þess að eiga hvolp sam­an.

„Þangað til þetta kom í fjöl­miðla hafði Rachel enga hug­mynd um hvað var í gangi. Hann held­ur fram hjá og það er ekki saga sem end­ar vel,“ sagði ónefnd­ur vin­ur Emmons við Daily Mail. 

Emmons, sem hef­ur verið dug­leg að birta mynd­ir af sér og Vitolo á In­sta­gram, er hönnuður og var búin að vera með kokk­in­um í meira en tvö ár. Þau til­kynntu trú­lof­un sína á In­sta­gram í fyrra. Að sögn ónefnda vin­ar­ins hélt Emmons að hún væri að fara gift­ast Vitolo þangað til hann sagði henni upp í texta­skila­boðum sama dag og mynd­irn­ar birt­ust. 

Hol­mes og Vitolo voru fyrst mynduð sam­an á veit­ingastaðnum Peas­ant í New York í síðustu viku. Stuttu seinna birt­ust mynd­ir af þeim kyss­ast og var sam­bandið þar með staðfest. 

Frétt af mbl.is

Hol­mes á stefnu­móti með huldu­manni

Katie Hol­mes. AFP

• Blogga um frétt