Sean Lennon stýrir afmælisþætti um föður sinn

Sean Ono Lennon­mun stýra þætti til­einkuðum af­mæli föður hans, John Lennon. Í þætt­in­um mun Lennon meðal ann­ars ræða við Sir Paul McCart­ney um sam­band hans við John. BBC grein­ir frá.

Bít­ill­inn John Lennon hefði orðið 80 ára þann 9. októ­ber næst­kom­andi hefði hann lifað. Af­mæl­isþátt­ur­inn verður í tveim­ur hlut­um og fer í loftið 3. og 4. októ­ber. 

„Ég lít til baka á þetta eins og aðdá­andi núna. Hversu hepp­in var ég að hitta þenn­an furðulega dreng, sem spilaði tónlist eins og ég gerði og við tók­um hönd­um sam­an og gerðum hvorn ann­an betri,“ sagði McCart­ney í þátt­un­um. McCart­ney mun líka koma til með að taka upp gít­ar­inn og spila eitt fyrsta lagið sem þeir Lennon sömdu sam­an, Just Fun. 

Paul McCart­ney verður gest­ur þátt­ar­ins og mun ræða um sam­band sitt við John Lennon. HO

Í þátt­un­um verður einnig rætt við hálf­bróðir Sean, Ju­li­an, og guðföður hans Sir Elt­on John. 

Lennon var skot­inn til bana þann 9. des­em­ber árið 1980. Í vik­unni var greint frá því að morðingi hans, Mark Chapman, bað ekkju Lennon, Yoko Ono, af­sök­un­ar á sárs­auk­an­um sem hann olli henni. Af­sök­un­ar­beiðnina lagði hann fram fyr­ir dóm­ara í ág­úst á þessu ári þegar hann óskaði eft­ir reynslu­lausn. Hon­um var neitað í ell­efta skiptið.

Frétt af mbl.is

Morðingi Lennons biðst af­sök­un­ar

• Blogga um frétt