Dan Brown staddur á Íslandi

Bandaríski rithöfundurinn Dan Brown er nú staddur hér á landi. Ef marka má Facebook-síðu hans hefur hann dvalið á Siglufirði undanfarna daga. 

Brown virðist meðal annars hafa heimsótt Síldarsafnið og farið í göngu á Tröllaskaga. Hann hefur áður heimsótt Ísland árið 2018 þegar hann meðal annars heimsótti stofnun Árna Magnússonar í íslenskum fræðum. Þá var það bókaforlagið Bjartur sem bauð Brown til landsins, en svo virðist sem hann er hér nú í fríi. 

Brown er hvað þekktastur fyrir skáldsögur á borð við Engla og Djöfla, Da Vinci lykilinn, Týnda táknið og Inferno. 

• Blogga um frétt