Streymisveitan Netflix ætti að gera áhorfendum það ljóst að stór hluti söguþráðarins í þáttaröðinni Crown sé skáldskapur. Þetta segir Oliver Dowden menningarmálaráðherra Bretlands í samtali við breska blaðið The Mail on Sunday. Að öðrum kosti bíði orðspor bresku konungsfjölskyldunnar óþarfa hnekki.

„Þetta er virkilega vel framleitt skáldverk, og rétt eins og í öðrum sjónvarpsþáttum ætti Netflix að taka það skýrt fram í upphafi að þetta sé einmitt það,“ segir Dowden. „Ef ekki þá óttast ég að heilu kynslóðir áhorfenda, sem lifðu ekki þessa tíma, gætu haldið að tilbúningurinn sé sannleikur.

„Ilkvittið“

Dowden hyggst skrifa bandarísku streymisveitunni formlegt erindi þar sem farið er fram á þetta.

Fjórða þáttaröð seríunnar var gefin út fyrr í mánuðinum, en í lokaþætti hennar segir af sambandserfiðleikum Karls Bretaprins og Díönu prinsessu. Áhugamenn um konungsfjölskylduna hafa áhyggjur af því að uppskáldaðar senur í þáttunum hafi skaðað orðspor konungsfjölskyldunnar og einkum ríkisarfans Karls. 

Karl lokaði til að mynda fyrir athugasemdir við færslur á Twitter-reikningi sínum eftir að ljótar athugasemdir höfðu hrúgast inn síðustu vikur.

Frétt af mbl.is

Karl Bretaprins og Kamilla loka fyrir athugasemdir

„Það er illkvittið hvernig Morgan [Peter Morgan handritshöfundur] notar afþreyingu til að keyra lýðveldisáróður og fólk tekur bara ekki eftir því,“ hefur Mail on Sunday eftir ónafngreindum vini prinsins.

Tengdar fréttir

The Crown

Falin Crown-perla í ensku sveitinni

• Vinkona drottningar segir þættina þvælu
• „Letilega skrifuð“ fimmta þáttaröð
• Fimmta og umdeildasta þáttaröðin í loftið
• Bæta við merkingu á Crown-stikluna

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Reagan ruglaðist stundum á kvikmyndum og veruleika.