Breska leikkonan Gillian Anderson og Peter Morgan, skapari og handritshöfundur þáttanna The Crown, eru hætt saman eftir fjögurra ára samband. Leikkonan lék Margaret Thatcher í nýjustu þáttaröð Morgans.

Parið er sagt hafa hætt saman í góðu og sé vinir að því fram kemur á vef Daily Mail. Anderson sem er 52 ára og Morgan sem er 57 héldu ekki heimili saman. Þau studdu vel hvort annað og sást Morgan oft á frumsýningum X-Files-stjörnunnar. Vinnuskuldbindingar eru sagðar hafa haft áhrif á sambandið sem og fjölskyldur þeirra beggja. 

Anderson hefur verið gift tvisvar. Hún á 26 ára gamla dóttur með fyrsta eiginmanni sínum Clyde Klotz. Hún á einnig syni sem eru 14 og 12 ára með viðskiptamanninum Mark Griffiths en þau voru í sambandi til ársins 2012. 

Morgan, sem var tilnefndur til Óskarsverðlauna fyrir handrit The Queen, á fimm börn með fyrrverandi eiginkonu sinni.

Gillian Anderson sem forsætisráðherrann Margaret Thatcher í The Crown.

Tengdar fréttir

The Crown

Falin Crown-perla í ensku sveitinni

• Vinkona drottningar segir þættina þvælu
• „Letilega skrifuð“ fimmta þáttaröð
• Fimmta og umdeildasta þáttaröðin í loftið
• Bæta við merkingu á Crown-stikluna

» Fleiri tengdar fréttir

• Blogga um frétt