Cruise á vingott við 20 árum yngri mótleikkonu
Setja bókamerki
Hollywoodstjarnan Tom Cruise er sagður vera að hitta mótleikkonu sína, bresku leikkonuna Hayley Atwell. Cruise og Atwell eru nú í tökum á nýjustu Mission: Impossible-myndinni. Skapbrestir Cruise í tökum hafa ratað í fjölmiðla en einkalífið virðist þó leika við hann.
Hinn 58 ára gamli leikari er 20 árum eldri en Atwell. Parið hefur sést saman haldast í hendur bæði í London og Róm en þar hafa tökur farið fram.
„Tom og Hayley náðu vel saman á fyrsta degi,“ segir heimildarmaður The Sun um samband leikaranna. „Útgöngubann og allt vesenið sem kom með því færði þau nær hvort öðru og eru þau nokkurn veginn óaðskiljanleg. Þau hafa hist eftir vinnu og hún farið í íbúð hans í London. Þeim kemur afskaplega vel saman og eru bæði mjög hamingjusöm.“
Cruise er góður í að halda einkalífi fyrir sínu fyrir sig og hefur ekki átt í opinberu sambandi síðan hann skildi við Katie Holmes. Hann á eitt barn með Holmes og tvö með Nicole Kidman. Atwell hætti með fyrirsætunni Evan Jones árið 2015 eftir tveggja ára samband. Hún átti síðast í sambandi við breskan lækni en er sögð hafa hætt með honum fyrr á þessu ári.
Þarf að koma til móts við ólíkar þarfir lækna
Yfir 300 stæði fóru undir hraun
Reiðubúin að aflýsa verkföllum í fjórum leikskólum
Hótar Bretum og Bandaríkjamönnum
Sjötti ferðamaðurinn er látinn
Nýtt fangelsi í landi Stóra-Hrauns tilbúið 2028
Fullvissa ferðamenn um að hér sé öruggt
