Allsber með kaffibolla

Stjörnurnar eru duglegar að birta myndir af sér fáklæddum á samfélagsmiðlum en oftar eru það konur frekar en karlar. Stórleikarinn Josh Brolin birti þó mynd af sér á instagram á dögunum þar sem hann sat fyrir allsber með kaffibolla. 

Á myndinni, sem eiginkona Brolins tók, situr hin 52 ára gamla hollywoodstjarna á adamsklæðunum einum saman með fætur uppi á borði úti á verönd. „Að lokum verðið þið dæmd eftir því hversu oft þið voruð nakin,“ skrifaði Brolin við myndina og sagði að þetta væri ekki endilega myndlíking.

Verðlaunaleikarinn Brolin er greinilega ekki hræddur við athyglina enda ólst hann upp í Hollywood. Faðir hans er leikarinn James Brolin og stjúpmóðir hans leik- og söngkonan Barbra Streisand. 

• Blogga um frétt