Vill verða sá kynþokkafyllsti aftur

Hollywoodleikarinn George Clooney þykir einn myndarlegasti maður í heimi. Clooney sem fagnar sextugsafmæli á næsta ári hefur tvisvar verið valinn sá kynþokkafyllsti í heimi og gaf í skyn í útvarpsviðtali á dögunum að hann væri til í að hreppa titilinn aftur. 

Á hverju ári velur tímaritið People karlmann sem hlýtur nafnbótina kynþokkafyllsti maður á lífi. Clooney vann árin 1997 og 2006. 

„Hvort er betra; kynþokkafyllsti maður í heimi eða tvenn óskarsverðlaun?“ var Clooney spurður. 

„Ég meina, ég held að þú vitir það,“ svaraði Clooney. „Ég er að reyna fá þriðju núna, enginn hefur unnið þrisvar.“

Frétt af mbl.is

Kynþokkafyllsti maður í heimi árið 2020

Frétt af mbl.is

Kynþokkafyllsti maður í heimi

Leikarinn grínaðist einnig með að hann hefði hjálpað öðrum mönnum að fá titilinn og nefndi að Brad Pitt hefði tvisvar verið valinn sá kynþokkafyllsti. Leikarinn Michael B. Jordan hlaut titilinn í ár og sagðist Clooney ætla athuga hvort hann vildi þiggja hjálp við að endurtaka leikinn. 

• Blogga um frétt