Verkefnið Fávitar kveður

Verkefnið Fávitar sem Sólborg Guðbrandsdóttir setti af stað árið 2016 hefur kvatt í bili. Um er að ræða samfélagsmiðlaátak gegn stafrænu og annars konar kynferðisofbeldi sem hefur verið áberandi á síðustu árum. 

Verkefnið er með tæplega 33.000 fylgjendur á miðlinum Instagram. 

Frétt af mbl.is

Berst gegn kynferðisofbeldi með kjafti og klóm

Instagramreikningur Fávita verður áfram opinn með þeim upplýsingum sem þar eru. 

„Ég trúi því innilega að stundum þurfi maður að búa yfir því hugrekki að loka einum dyrum til að aðrar geti opnast. Ég hef gefið mig alla (og meira en það) í þetta verkefni síðastliðin fimm ár og nú finn ég það að mig langar að beina athygli minni og orku á annað í mínu lífi og ljúka þessu verkefni,“ skrifaði Sólborg undir síðustu færslu Fávita, en Sólborg gaf í ár út fræðslubók undir sama nafni.

• Blogga um frétt