Fjölmiðlamaðurinn gamalkunni Larry King hefur verið lagður inn á sjúkrahús í Los Angeles í Kaliforníu með kórónuveiruna. Heimildamenn hafa sagt bæði ABC News og CNN, fyrrverandi vinnuveitanda Kings, að hann hafi verið á sjúkrahúsi í um viku, að því er fram kemur í frétt BBC.

Larry King er 87 ára gamall og hefur verið einn þekktasti sjónvarps- og útvarpsmaður heims í áratugi. Þekktastur er hann fyrir viðtalsþætti sína Larry King Live á CNN þar sem hann fékk til sín góða og þekkta gesti; stjórnmálamenn, poppstjörnur, íþróttafólk og aðrar stórstjörnur úr amerísku þjóðlífi.

Á efri árum hefur King svo glímt við ýmsa kvilla, þar á meðal hefur hann fengið hjartaáfall, lungnakrabbamein og sykursýki. Heimildamenn sögðu CNN að „Larry hefur glímt við svo mörg heilsufarsvandamál í gegnum tíðina og hann mun berjast gegn þessu vandamáli eins vel og hann hefur áður gert. Hann er sigurvegari“.

King ræðir við hjónin Ozzy og Sharon Osbourne. AP

Tengdar fréttir

Kórónuveiran Covid-19

Varar við fleiri tilfellum í vetur

• Bóluefni hafi fækkað dauðsföllum
• Engin ein skýring á niðursveiflu
• Ekkert um alvarleg veikindi
• Skyldasti ættingi SARS „var í þeirra eigin ísskáp“

» Fleiri tengdar fréttir

• Blogga um frétt