Leikkonan Tanya Roberts er látin aðeins 65 ára að aldri. Leikkonan er meðal annars þekkt fyrir hlutverk í Bond-myndinni A View to Kill þar sem hún lék Stacey Sutton á móti Roger Moore.
Roberts fór út að ganga með hundana sína á aðfangadagskvöld en þegar hún kom heim hneig hún niður að því er fram kemur á vef TMZ. Hún var flutt á spítala þar sem hún var í öndunarvél að sögn talsmanns hennar. Hún jafnaði sig aldrei og lést á sunnudaginn. Roberts var ekki með kórónuveiruna.
Bond-myndin A View to Kill með Roberts og Moore kom út árið 1985. Roberts lék einnig í síðustu þáttaröðinni af Charlie's Angels árið 1980 og lék Midge Pinicotti í That '70s Show.