Keypti hús handa nýju kærustunni

Spjallþáttastjórnandinn Trevor Noah fjárfesti á dögunum í 27,5 milljóna bandaríkjadala húsi í Los Angeles í Bandaríkjunum. Noah er sagður vera fluttur inn með nýju kærustunni, Minku Kelly, en þau hafa verið saman síðan um mitt ár 2020.

„Þau eru farin að skipuleggja framtíðina saman. Þau hafa eytt tíma á báðum ströndum síðastliðið árið og hafa verið að leita sér að húsi saman í Los Angeles,“ sagði heimildamaður People um málið. 

Húsið sem parið keypti í borg englanna er enginn kofi heldur rúmlega þúsund fermetra höll með sex svefnherbergum og tólf baðherbergjum. Það er á þremur hæðum með líkamsrækt, gufubaði, vínherbergi, heimabíói, bókasafni og háklassaeldhúsi.

• Blogga um frétt