Forsetadóttirin Tiffany Trump er búin að trúlofa sig. Hin 27 ára gamla Trump tilkynnti trúlofun sína og Michael Boulos á Instagram á sama tíma og hún kvaddi Hvíta húsið í gærkvöldi. Faðir hennar Donald Trump lætur af embætti í dag.
Tiffany Trump birti mynd af sér og Boulos í garði í Hvíta húsinu. Hún sagði það hafa verið heiður að fá að upplifa stór tímamót í Hvíta húsinu. „Og skapa minningar með fjölskyldu minni hér í Hvíta húsinu, engin sérstakari en trúlofun mín og Michael frábæra unnusta míns!Þakklát og spennt fyrir næsta kafla,“ skrifaði Tiffany Trump meðal annars á Instagram.
Tiffany Trump og Boulos gerði samband sitt opinbert í desember árið 2017. Þau eru sögð hafa kynnst sumarið 2017 á grísku eyjunni Mykanos á strandbar Lindsay Loahn. Boulos kemur einnig af ríkum ættum en faðir hans er efnaður viðskiptamaður í Nígeríu.
Tiffany Trump er yngri dóttir Donalds Trumps og næstyngsta barn forsetans. Donald Trump á hana með fyrrverandi eiginkonu sinni Mörlu Maples.