Seldi húsið ofan af fyrrverandi

Tónlistarmaðurinn Phil Collins er loksins búinn að selja hús sitt í Miami í Bandaríkjunum. Collins hafði áður höfðað mál gegn fyrrverandi eiginkonu sinni, Orianne Cevey, sem bjó ásamt nýjum eiginmanni sínum í húsinu. 

Nú hafa þau Collins og Cevey hins vegar komist að samkomulagi um húsið og það er selt. 

Collins og Cevey hafa átt í stormasömu sambandi í gegnum árin. Þau skildu árið 2008 en tóku aftur saman fjórum árum eftir skilnaðinn. Þau hættu svo aftur saman á síðasta ári og Cevey er nú þegar gengin í það heilaga með öðrum manni, Thomas Bates. 

Cevey hélt hins vegar áfram að búa í húsi Collins eftir sambandsslitin og var Collins ekki ánægður með það. Þau tókust á í fjölmiðlum síðastliðið haust þar sem hún sakaði hann um mikinn óþrifnað en hann tók fyrir þær ásakanir. 

Húsið sem um ræðir var sett á sölu í desember og seldist það nú í janúar.

Vanity Fair

Frétt af mbl.is

Neitar ásökunum fyrrverandi eiginkonunnar

Frétt af mbl.is

Hættur með fyrrverandi

• Blogga um frétt