Lést eftir „hræðilegt slys“

Tónlistarkonan og upptökustjórinn Sophie, sem var tilnefnd til Grammy-verðlaunanna, er látin, aðeins 34 ára gömul.

Fram kemur í tilkynningu frá umboðsskrifstofu hennar að hún hafi farist í „hræðilegu slysi“ í Aþenu þar sem hún bjó, aðfaranótt laugardags.

Sophie, sem fæddist í Glasgow, starfaði með listamönnum á borð við Madonnu og Charli XCX, að sögn BBC. 

„Hún var mjög andlega þenkjandi og hafði klifrað upp til að horfa á fullt tungl og rann til og datt,“ sagði í færslu frá umboðsskrifstofunni á netinu. „Hún verður ávallt á meðal vor.“

• Blogga um frétt