The Weeknd kom, sá og sigraði í hálfleik

Tónlistarmaðurinn The Weeknd sló í gegn í hálfleik Ofurskálarinnar sem fór fram í Flórída í gærkvöldi. Atriðið fór að stórum hluta fram í stúkunni vegna sóttvarnareglna, en aðeins 25 þúsund áhorfendur voru á leiknum í gær. 

Atriðið tók mið af sóttvarnareglum en þótti takast ansi vel miðað við það og velta margir fyrir sér hvað listamaðurinn hefði getað gert í venjulegu árferði. 

The Weeknd spilaði öll sín vinsælustu lög, þar á meðal Blinding Lights, Save Your Tears, Starboy og Can't Feel My Face.

Í þetta skipti var The Weeknd ekki marinn og blár í atriðinu, eins og hann hefur verið undanfarna mánuði. Dansarar hans skörtuðu þó sárabindum á höfðinu. 

Weeknd hef­ur skartað þess­um umbúðum til að vekja at­hygli á ölv­unar­akstri og hvaða af­leiðing­ar hann get­ur haft. Eitt af hans vin­sæl­ustu lög­um, Blind­ing Lig­hts, fjall­ar á ákveðinn hátt um ölv­unar­akst­ur. 

Frétt af mbl.is

Marinn og blár af ástæðu

Hálfleiksatriðið má sjá í spilaranum hér fyrir neðan.  

• Blogga um frétt