Auglýsir börnin sín

Íslenskur faðir tveggja barna á þrítugsaldri hefur greinilega fengið sig fullsaddan á hægagangi barna sinna við að ganga út. Í miðbæ Akureyrar má nú sjá stærðarinnar skilti þar sem systkinin Edda Mjöll Karlsdóttir og Kristófer Karlsson eru auglýst fyrir gangandi vegfarendum.

Á skiltinu kemur skýrt fram að systkinin séu á lausu og verði á Akureyri um helgina sérstaklega í leit að maka. 

Skiltið í heild. Ljósmynd/Aðsend

Neðst stendur: „Ég skal koma þeim út … kveðja pabbi.“ Faðir þeirra er Karl Brynjólfsson og er greinilega staðráðinn í að koma börnum sínum í góðar hendur í þessum höfuðstað Norðurlands, þar sem fjöldi fólks er samankominn um helgina nú á hátindi skíðatímabilsins.

• Blogga um frétt