Sjónvarpsþáttastjórnandinn og grínistinn John Oliver spáði nokkuð nákvæmlega fyrir um örlög Meghan hertogaynju af Sussex. Oliver, sem er Breti en starfar í Bandaríkjunum, sagði rétt fyrir brúðkaup Harry og Meghan að sjálfur myndi hann aldrei ganga í bresku konungsfjölskylduna. 

Viðtal við Oliver frá því í febrúar 2018 hefur farið á flug eftir viðtal Opruh Winfrey við Harry og Meghan. 

„Ég myndi ekki áfellast hana fyrir að hætta við á síðustu stundu,“ sagði Oliver í spjallþætti Stephen Colbert. „Ég held að þú þurfir ekki að sjá nema fyrsta þáttinn af Krúnunni til þess að átta sig á því að hún gæti verið að gifta sig inn í fjölskyldu sem gæti valdið henni tilfinningalegum erfiðleikum.“

Frétt af mbl.is

Lýsti alvarlegri vanlíðan

Oliver lét ekki þar við sitja og lýsti bresku konungfjölskyldunni sem fólki sem er í grundvallaratriðum gallað með óþroskaða tilfinningagreind. Starf þess væri einnig fáránlegt og yfirborðskennt. „Það er það sem hún er að gifta sig inn í. Svo ég vona að hún kunni vel við það. Þetta verður skrítið fyrir hana. Ég myndi ekki kvænast inn í konunglegu fjölskylduna. Ég er alþýðumaður. Ég væri ekki velkominn – sérstaklega ekki eftir það sem var að segja.“

Hér fyrir neðan má sjá viðtalið við Oliver. 

Tengdar fréttir

Kóngafólk

Beatrice prinsessa orðin tveggja barna móðir

• Forréttindi að þurfa ekki að kveðja móður sína
• Katrín prinsessa á batavegi
• Katrín sýndi þakklæti í verki
• Hjónin bæði með gangráð fyrir helgi

» Fleiri tengdar fréttir

• Blogga um frétt