Stendur við ummælin um Meghan
Setja bókamerki
Breski sjónvarpsmaðurinn Piers Morgan stendur við ummælin sem hann lét falla um Meghan hertogaynju af Sussex í morgunþættinum Good Morning Britain á mánudag. Morgan gagnrýndi Meghan harðlega og sagðist ekki trúa orði af því sem hún sagði í viðtalinu fræga við Opruh Winfrey. Hann stormaði svo út úr þættinum í beinni útsendingu þegar þáttastjórnandinn Alex Beresford gagnrýndi hann fyrir að tala illa um hana.
Tilkynnt var í gær að Morgan hefði sagt upp störfum í fréttaþættinum en Morgan stendur enn við orð sín. Alls bárust yfir 41 þúsund kvartanir vegna orða Morgans.
„Á mánudag sagðist ég ekki trúa orði af því sem Meghan Markle sagði í Opruh viðtalinu sínu. Ég hef haft tíma til að hugsa um þessa skoðun mína, og ég trúi henni ekki enn þá,“ skrifaði Morgan í færslu á Twitter. „Tjáningarfrelsi er hæð sem ég er tilbúinn til að deyja á,“ bætti Morgan við.
/frimg/7/7/707219.jpg)
Óvissustigi lýst yfir á Austfjörðum
„Þau bara ætla ekki að gefa sig“
Aukin áhersla á samtal um varnarmál
Ráðherra ekki upplýstur
Tvö snjóflóð féllu í Ólafsvík
Þörf fyrir tvöfalt fleiri augnskurðlækna
Mikið vatn ógnaði rafmagni og tölvukerfum