Hildur Guðnadóttir hlaut Grammy-verðlaunin
Setja bókamerki
Hildur Guðnadóttir tónskáld hlaut Grammy-verðlaun nú í kvöld fyrir tónlist sína í stórmyndinni um Jókerinn. Hún hefur áður hlotið Óskarsverðlaun, Golden Globe-verðlaun og BAFTA-verðlaun fyrir tónlistina í myndinni.
Hildur var tilnefnd til verðlauna fyrir bestu tónlist í sjónrænum miðlum, en sá flokkur nær yfir kvikmyndir, tónlist og tölvuleiki.
Hún var einnig tilnefnd til verðlauna fyrir verkið „Bathroom Dance“ í öðrum flokki en vann ekki til þeirra verðlauna.
Hægt er að fylgjast með Grammy-hátíðinni í beinni útsendingu en engir gestir eru á hátíðinni í ár vegna heimsfaraldurs kórónuveiru. Hildur ávarpaði hátíðina í gegnum fjarfundabúnað og sagðist þakklát fyrir verðlaunin.
Þetta er í annað skiptið sem Hildur hlýtur Grammy-verðlaun en á síðasta ári vann hún til þeirra verðlauna fyrir tónlistina í þáttunum Chernobyl.
Daníel Bjarnason og Sinfóníuhljómsveit Íslands voru tilnefnd fyrir besta tónlistarflutning hljómsveitar fyrir flutning og hljómsveitarstjórn á plötunni Concurrence en unnu ekki til verðlauna að þessu sinni.
Fréttin hefur verið uppfærð.
Óeðlilegt að sama gjald verði tekið óháð þyngd
Greiningarmiðstöð hluti af 13 landamæraaðgerðum
Illviðri gengur yfir landið í dag
110 milljónir í stöðu prófessors
Erfiðara fyrir flokka að segjast hlutlausir
Mjög dýrt að tryggja landamærin
