Eldarnir efstir á metsölulistum

Umræðan um jarðelda á Reykjanesskaga virðist hafa hleypt miklum glæðum í sölu á skáldsögu Sigríðar Hagalín Björnsdóttur, sem heitir Eldarnir – ástin og aðrar hamfarir. 

Bókin trónir á toppi metsölulista bókabúðar Forlagsins og er þó gefin út af bókaútgáfunni Benedikt. Þá er skáldsagan einnig efst á aðalmetsölulista Eymundssonar, ef frá eru taldir erlendir reyfarar. Raunsæti hennar þar er númer sex.

Frétt af mbl.is

Eldar í endurprentun

Í bók­inni seg­ir frá því þegar jarðskjálft­ar skekja Reykja­nesskaga og eld­fjöll vakna til lífs­ins eft­ir hlé í 800 ár. Mörgu í þess­ari lýs­ingu þykir svipa til jarðhrær­inga suður með sjó síðustu daga.

Útgefandi bókarinnar sagði í viðtali við Morgunblaðið fyrir skemmstu að ráðast hefði þurft í endurprentun á Eldunum til að anna þessari endurglæddu eftirspurn eftir bókinni. Bókasafnsvörður kvaðst þá vera með öll sín tólf eintök í útláni og marga óþreyjufulla Kópavogsbúa á biðlista.

• Blogga um frétt