Fyrrverandi landsliðsmaðurinn Rúrik Gíslason tekur nú þátt í dansþáttunum Let's Dance í Þýskalandi. Rúrik virðist vera kominn langleiðina með að bræða hjörtu þýsku þjóðarinnar þó aðeins þrír þættir séu búnir. 

Rúrik dansar við hina þýsku Renötu Lusin og virðist parið ná einstaklega vel saman. Rúrik sló gjörsamlega í gegn í fyrsta þættinum og var fjallað um það í þýskum fjölmiðlum að þótt Rúrik væri fótboltamaður væru mjaðmir hans mjúkar sem smjör.

Frétt af mbl.is

Mjaðmir Rúriks trylla Þjóðverja

Í öðrum þætti hlutu þau Rúrik og Lusin hæstu einkunn af öllum keppendum og nú um helgina fengu þau næstflest stig í þættinum. 

Það þarf ekki að leita lengi í þýskum fjölmiðlum til að finna fréttir um Rúrik þar sem honum er lýst sem einstaklega kynþokkafullum dansara. Það er þó ekki bara þokki Rúriks sem heillar Þjóðverja heldur einnig danshæfileikar hans en Lusin sagði: „Ef þú leggur allt í sölurnar, þá geturðu orðið besti dansarinn sem við höfum séð,“ að loknum þætti á föstudag. 

Tengdar fréttir

Rúrik Gíslason

Rúrik í tökum fyrir gamanmynd á Netflix

• „Sóli fær ennþá útrás í að gera lítið úr okkur“
• Svona heldur Rúrik sér í formi á ferðalögum
• Rúrik í tökum með BMW á Coachella-tónlistarhátíðinni
• Rúrik opnar sig í viðtali við Sports Illustrated

» Fleiri tengdar fréttir

• Blogga um frétt