Natan Dagur slær í gegn í norska Voice
Setja bókamerki
Hinn 21 árs gamli Natan Dagur Benediktsson mun stíga á svið í 48 manna úrslitum í norska Voice í kvöld. Hann komst áfram eftir magnaða frammistöðu í blindum áheyrnarprufum sem sýndar voru í janúar.
Eftir þáttinn í kvöld munu aðeins 24 keppendur standa eftir. Í þættinum, sem hefst klukkan 19:00 að íslenskum tíma á TV2, munu keppendur keppa í einvígi þar sem tveir syngja lag saman og dómarar velja hvor keppandinn kemst áfram.
Natan Dagur mun flytja lagið Take me to church með Hozier ásamt Alexu Valentinu.
Áheyrnarprufa Natans Dags er sú vinsælasta úr þessari þáttaröð hins norska Voice en hún hefur verið spiluð yfir milljón sinnum á YouTube. Hún er sú þriðja vinsælasta frá upphafi Voice í Noregi en hin tvö lögin hafa verið mun lengur á YouTube en lag Dags.
Í umfjöllun á vef TV2 segir að Natan Dagur sé einn af eftirlætiskeppendum áhorfenda keppninnar.
Rússar sagðir útvega N-Kóreu milljón olíutunnur
Reiðubúin að aflýsa verkföllum í fjórum leikskólum
Fullvissa ferðamenn um að hér sé öruggt
Sjötti ferðamaðurinn er látinn
Þarf að koma til móts við ólíkar þarfir lækna
Viðræður ekkert þokast frá því á þriðjudag
Yfir 300 stæði fóru undir hraun
