Albert Mónakófursti segist bera virðingu fyrir líðan Harrys Bretaprins og Meghan eiginkonu hans. Hann segir þó að þau hefðu ekki átt að fara í viðtal til Opruh Winfrey og tjá sig um fjölskyldu sína. Mónakófurstinn var spurður út í viðtalið umdeilda í viðtali við BBC.

„Það er erfitt að setja sig í spor annarra. Ég skil álagið sem var á þeim en ég held að svona opinber umræða um óánægju, svo vægt sé til orða tekið, ætti að fara fram með nánustu fjölskyldu. Hún þarf ekki að vera opinber,“ sagði Mónakófursti í viðtalinu. 

Mónakófursti sagði viðtalið hafa truflað sig aðeins. „Ég tel þetta hafi ekki verið viðeigandi vettvangur fyrir svona umræðu,“ sagði Albert og óskaði Harry velfarnaðar að lokum. Hann sagði heiminn erfiðan stað og sagðist vona að prinsinn tæki réttar ákvarðanir í framtíðinni. 

Tengdar fréttir

Kóngafólk

Beatrice prinsessa orðin tveggja barna móðir

• Forréttindi að þurfa ekki að kveðja móður sína
• Katrín prinsessa á batavegi
• Katrín sýndi þakklæti í verki
• Hjónin bæði með gangráð fyrir helgi

» Fleiri tengdar fréttir

• Blogga um frétt