Stjórnvöld í Hollandi hafa tekið ákvörðun um að 3.500 áhorfendur megi vera viðstaddir Eurovision í Rotterdam í maí. Keppnin verður hluti af tilraun hollenskra stjórnvalda sem hafa undanfarnar vikur prófað sig áfram með covid-vænt tónleikahald og viðburði. 

Eurovision fer fram dagana 18.-22. maí í Ahoy-höllinni í Rotterdam. Áhorfendur þurfa að sýna fram á neikvætt kórónuveirupróf áður en þeim verður hleypt inn. 

Skipuleggjendur tóku ákvörðun stjórnvalda fagnandi og sögðust senda frá sér nákvæmari útfærslu á keppninni á næstu vikum. 

Í tilkynningu frá Eurovision kemur enn fremur fram að heilsa og öryggi áhorfenda verði í fyrirrúmi og að öll skipulagning taki mið af mjög ströngum sóttvarnareglum. 

Nýlega héldu hollensk stjórnvöld 1.500 manna tónleika í grennd við Amsterdam og 5.000 manns fengu að mæta á landsleik Hollands síðastliðinn laugardag.

Þótt tilraunir stjórnvalda hafi gengið vel undanfarnar vikur framlengdi forsætisráðherrann Mark Rutte útgöngubann um þrjár vikur og gildir það nú fram til loka apríl. 

BBC

Svona var um að litast í Ahoy-höllinni í Rotterdam 16. maí síðastliðinn, þegar úrslitakvöld Eurovision átti að fara fram í höllinni. Vegna kórónuveirufaraldursins var Eurovision aflýst en keppnishöllin nýttist sem bráðabirgðasjúkrahús. AFP

Tengdar fréttir

Eurovision

Fyrstu viðbrögðin við Söngvakeppninni: „Vá!“

• Nýtt fyrirkomulag við val á vinningslagi
• Playboy-fyrirsæta tekur þátt í undankeppni Eurovision
• Íbúar Basel samþykkja fjármögnun Eurovision
• Hollendingar taka þátt í Eurovision eftir brottvísun

» Fleiri tengdar fréttir

• Blogga um frétt