DMX er látinn 50 ára að aldri

Rapparinn Earl Simmons, betur þekktur undir nafninu DMX, er látinn. DMX lést á White Plains-sjúkrahúsinu í New York í dag. Hann hafði legið inni á spítala síðan á föstudaginn fyrir viku eftir að hann tók of stóran skammt af fíkniefnum. 

Fjölskylda hans tilkynnti andlát hans í dag. 

DMX fór í hjartastopp í um 30 mínútur eftir að hann tók of stóran skammt. Hann hafði verið í öndunarvél í fimm daga og voru líffæri hans farin að gefa sig eitt af öðru. 

Hann fæddist í Mount Vernon í New York-ríki 18. desember 1970. Hann var eina barn foreldra sinna og átti erfiða æsku. Á unglingsárum sínum leiddist hann út í glæpi og fíkniefnaneyslu. 

DMX skaut upp á stjörnuhimininn á 10. áratug síðustu aldar og gaf út alls átta plötur. Hann var tilnefndur til þrennra Grammy-verðlauna og hlaut bandarísku tónlistarverðlaunin tvisvar.

New York Times

Frétt af mbl.is

Söfnuðust saman fyrir utan sjúkrahúsið

• Blogga um frétt