Rúrik hlaut fullt hús stiga

Rúrik Gíslason, fyrrverandi landsliðsmaður í fótbolta, og dansfélagi hans Renata Lusin fengu fullt hús stiga fyrir frammistöðu sína í þáttunum Let's Dance í Þýskalandi í gær.

Parið hreppti 30 stig og mikið lof dómara fyrir cha cha cha-dans sinn, að sögn þýska fréttamiðilsins RTL þar sem skoða má myndskeið með frammistöðu þeirra. 

Í þættinum fyrir viku fengu þau „aðeins“ 22 stig og því um framför að ræða hjá þeim Rúrik og Lusin á milli vikna. 

Rúrik hefur náð einstökum árangri í Let's Dane og heillað þýsku þjóðina ítrekað upp úr skónum undanfarin föstudagskvöld.

Frétt af mbl.is

Rúrik áfram á siglingu

• Blogga um frétt