Örlygur Hnefill Örlygsson, einn af þeim sem hafa keyrt Óskarsherferðina áfram á Húsavík, segir að það hafi verið magnað að sjá afrakstur síðustu viku á skjánum í kvöld. Tónlistarmyndbandið við Húsavík – My Home Town úr Eurovision Song Contest: The Story of Fire Saga var fyrsta myndbandið á dagskrá í kvöld.

Myndbandið á YouTube

„Það var rosalega gott að sjá þetta í sjónvarpinu. Það var öðruvísi að sjá þetta þarna en á skjánum hérna heima. Það var öðruvísi tilfinning,“ segir Örlygur í samtali við mbl.is. Örlygur var heima þegar blaðamaður náði á hann að horfa á hátíðina með fjölskyldunni. 

Óskarspartíin eru að sjálfsögðu háð samkomutakmörkunum eins og annað og því er ekkert stórt partí á Húsavík í kvöld. Stúlkurnar sem sungu í myndbandinu komu saman í Hvalasafninu ásamt foreldrum sínum en Örlygur var á leið til stúlknanna.

„Við erum bara mjög stolt og þakklát fyrir þetta góða samstarf við True North og Netflix,“ segir Örlygur og ítrekar að samstarfið við True North hafi gengið gríðarlega vel.

Molly Sandén í myndbandinu sem var tekið upp á Húsavík síðustu helgi. Skjáskot/Rúv

Tengdar fréttir

Óskarsverðlaunin 2021

Fékk kynlífsspurningu frá dóttur sinni

• Bræddi hjörtu á rauða dreglinum
• Með nýjum kærasta í 15 ára gömlum kjól
• DiCaprio vann réttinn að endurgerð Druk
• Vann óskar og eignaðist son sama dag

» Fleiri tengdar fréttir

• Blogga um frétt