Fjölmiðlamaðurinn Sölvi Tryggvason leitaði til lögreglunnar fyrir sex til sjö vikum af því að manneskja hótaði að rústa mannorði hans.

Þessu greinir hann frá í Podcasti sínu. Þar ræðir hann við lögmann sem aðstoðar hann vegna fréttar um að þjóðþekktur einstaklingur hefði keypt sér kynlífsþjónustu, gengið í skrokk á vændiskonunni, verið handtekinn og fluttur í varðhald. Sölvi segist ekkert tengjast málinu og að það sé þvættingur frá upphafi til enda. 

Frétt af mbl.is

Sölvi Tryggva segist saklaus

„Ég leitaði til lögreglu vegna þess að það er manneskja sem hótar að rústa mannorðinu mínu. Nú er það búið að gerast,“ segir Sölvi í þættinum.

„Það er búið að skvetta á þig skít, það er erfitt að verða hvítþveginn aftur,“ segir lögmaðurinn og bætir við að hann sé miðaldra, hvítur karlmaður í forréttindastöðu og liggi vel við höggi.

Sölvi segir að sér líði enn mjög illa og að honum líði eins og verið sé að sletta á hann, þrátt fyrir yfirlýsingu sem hann sendi út í gær. Hann hafi farið á kaffihús í morgun og átt erfitt með að horfa í augun á fólki.

„Ef svona atburðarás brýtur mann ekki að einhverju leyti þá held ég að eitthvað sé að manni,“ segir lögmaðurinn og brestur Sölvi í grát í framhaldinu.

Tengdar fréttir

Podcast með Sölva Tryggva

Fékk frunsur og leið illa af því að skrifa fréttir á Vísi

• Dóri DNA tapaði fullt af peningum og tekst á við sjálfan sig
• Íslandsmeistari í sínum þyngdarflokki
• „Datt næstum niður dauður fyrir 2 árum, en á 40 góð ár eftir“
• „Vildi ekki lifa lengur“

» Fleiri tengdar fréttir

Sölvi Tryggvason

Þurfti að hætta að nota ADHD-lyfin í Rússlandi

• Tíminn eftir Byrgismálið var hræðilegur
• Fjölmiðlafólk er sjálfhverfasta stétt landsins
• Hótað fangelsisvist fyrir að skrifa upp á Ivermectin
• „Strákurinn minn hefur ekki talað við mig í fjögur ár“

» Fleiri tengdar fréttir

• Blogga um frétt