Margt ósagt um meint framhjáhald
Setja bókamerki
Allt ætlaði um koll að keyra í Bretlandi síðasta haust þegar stórleikararnir Dominic West og Lily James sáust láta vel hvort að öðru í Róm. Nú hefur James tjáð sig í fyrsta skipti um fjölmiðlafárið án þess þó að segja nokkuð.
„Æ, ég er eiginlega ekki til í að tala um það. Það er margt ósagt en ekki núna er ég hrædd um,“ svaraði leikkonan á vef The Guardian þegar hún var spurð út í sögusagnirnar um ástarsamband þeirra.
West er kvæntur og neyddist til þess að útskýra hjónabandsstöðu sína eftir að myndir af West og James birtust í fjölmiðlum. West er 20 árum eldri en James og hefur verið kvæntur Catherine FitzGerald síðan 2010 og eiga hjónin saman fjögur börn.
Ljósmyndarar mættu fyrir utan hús hjónanna í fyrra eftir sögusagirnar og mynduðu þau. „Hjónaband okkar er traust og við erum enn saman,“ stóð á miða fyrir utan hús þeirra. West tjáði sig ekkert um ferðina til Rómar og James vill greinilega ekki heldur tjá sig efnislega um málið.
Inga Sæland fyrir og eftir ráðherrastólinn
Harry fær tvo milljarða í bætur
„Ég hef verið kjaftaskur mikill“
Stakk móður sína yfir tuttugu sinnum
Viljum hvorki vera Danir né Bandaríkjamenn
Nýr gróðureldur blossar upp í Los Angeles
Bendir hveitifyrirtæki á kærumöguleika
Íbúar komnir heim á ný